पहिराेले घर पुरिँदा जाजरकाेटमा एकै परिवारका तीन आमाछाेरीकाे ज्यान गयाे
खलंगा : जाजरकोट भेरी नगरपालिका– २ तिमिलेस्थित दलबहादुर ओलीको घर पहिरोले पुरिँदा उनका श्रीमतीसहित दुई छोरीको मृ’त्यु भएको छ । आइतबार बिहान १ः४५ बजे आएको पहिरोले घर पुरिँदा ३२ वर्षीया श्रीमती पार्वती ओली, छोरीहरु नौ वर्षीया मोतीकला ओली र तीन वर्षीया धनसरा ओलीको घरभित्र नै पुरिएर मृ’त्यु भएको प्रमुख जिल्ला अधिकारी ललितकुमार बस्नेतले जानकारी दिए ।
पार्वतीका श्रीमान् दलबहादुर घर बाहिर सुतेका कारण बाँच्न सफल भएको जिल्ला प्रहरी कार्यालय जाजरकाेटका प्रहरी नायब उपरीक्षक श्याम खत्रीले जानकारी दिए । उनको खुट्टामा चो’ट लागेको छ।
आइतबार बिहान तीनजनाकै श’व निकालेर पोस्ट मार्टमका लागि जिल्ला अस्पताल ल्याउन लागेको डीएसपी खत्रीले जानकारी दिए। पहिराेमा पुरिएर दलबहादुरको गोठमा रहेका चौपाया समेत म’रेका छन्।
