स्थानीय तहमा डेन्टल हाइजिनिष्टको दरबन्दी कायम गरिने – Aajako Khabar: आजै अनि ताजै

काठमाडौँ, २ चैत, स्वास्थ्य तथा जनसंख्या राज्यमन्त्री डा. सुरेन्द्रकुमार यादवले स्थानीय तहमा डेन्टल हाइजिनिष्टको दरबन्दी कायम गरिने बताएका छन् । विश्व मुख स्वास्थ्य दिवसको अवसरमा नेपाल डेन्टल साइन्स हाइजिनिष्ट एशोसिएसनले गरेको कार्यक्रममा राज्यमन्त्री यादवले सबै स्थानीय तहमा दन्त सहायक, दन्त प्राविधिक र हाइजिनिष्टको दरबन्दी कायम गर्ने तयारी भइरहेको बताए ।

राज्यमन्त्री यादवले भने, ‘७ सय ५३ स्थानीय तहमै हामीले सबै स्वास्थ्यकर्मीका साथै डेन्टल हाइजिनिष्टको दरबन्दी कायम हुनेछ ।’ दरबन्दी खुलाएर जनशक्तिको व्यवस्थापन गर्ने उनको भनाई छ ।

एशोसिएसनका अध्यक्ष माइकल देवकोटाले छिटो भन्दा छिटो दरबन्दी खुलाउन माग गरे । मुलुकभर हाल दन्त शल्य चिकित्सक ६ सय ५०, दन्त चिकित्सक १ हजार ६ सय ७५ र दन्त सहायक ७० जना रहेका छन् ।