पाँचथरको फिदिममा भिषण आगोलागी, क्षतिको विवरण आउन बाँकी

पाचथर, २३ जेठ : आज बेलुका पाँचथरको फिदिम नगरपालीकको मेनरोडमा भीषण आगलागी भएको छ। आगलागीबाट २ घर जलेर पूर्णरूपमा नष्ट भएका छन्। आगलागीबाट संगीत रानामगरको दुई तले घर र नजीकै रहेको कर्णकुमार थापामगरको घर नष्ट भएको प्रहरीले जनाएको छ।

आगलागीबाट मानविय क्षति भने भएकाे छैन्। आगो नियन्त्रमा लिन दमकल, नेपाल प्रहरी, नेपाली सेना र स्थानीय जुटेका छन्। फिदिम नगरपालिकाको दमकल नेपाल प्रहरी, नेपाली सेना र स्थानीयको लामो प्रयासपछि आगो नियन्त्रणमा आइसकेको बताइएको छ।

आगलागीबाट नजीकै रहेको एक गेस्टहाउसको छतमा पनि क्षति पुगेको छ। आगलागीबाट भएको क्षतिको पूर्ण विवरण भने आउन बाँकी नै छ । आगलागीको कारण र क्षतिबारे खुल्न बाँकी रहेको प्रहरीले बताएको छ।