काठमाडाैं : पछिल्लो समय सामाजिक सञ्जाल त्यसैगरी युटुवहरुमा भाइरल बनिरहेका झापा दमकका बालगायक अशोक दर्जी मोडेलको अभिनयमा पनि देखिएका छन् । सानो उमेरमा नै निकै अदभूत गायन क्षमताका भएकै कारण, छोटो समयमा नै उनी चर्चामा रहेका अशोक सिम्पल सिम्पल गीतमा ए आर बुढाथोकीसंगै अभिनयमा देखिएका छन् । गीतमा एआर र अशोकले आफ्नी प्रेमिकालाई बाईकमा राखेर घुमाएको सिन यस अघिनै चर्चामा आईसकेको थियो ।
टंक बुढाथोकी र कबिता सिवाकोटीको स्वर रहेको यो गीतमा भिम बिस्ट शिशिरको सब्द र संगीत रहेको छ भने श्यामश्वेत रसाइलीको एरेन्ज रहेको छ । गीत सुक्रबार दिउसो टंक बुढाथोकीको अफिसियल युत्युब च्यानलमा मार्फत् सार्वजनिक भएको छ । मन बिनाको धन ठुलोकी धन बिनाको मन गीत गाएर निकै चर्चामा आएका अशोकले त्यसपछि टंक बुढाथोकी र एआर संगै चौरीको चाम्रो छुर्पी गीत गएका जुन निकै चर्चामा आएको थियो । तर अशोकको दोश्रो गीतका रुपमा हिलोमा फुलु रेकर्ड भएको थियो जसमा उनका साथी भुइकटरको अभिनय रेको थियो ।
सडकमा गीत गाउदै हिड्ने अशोक एकाएक चर्चामा आएका हुन् उनको आफ्नो प्रतिभा प्रस्तुत गरिरहेको भिडियोका मार्फत। निम्न वर्ष परिवारमा हुर्किँदै गरेको दर्जीले बाटोमा, होटलमा दिनभर गीत गाउँथे र जम्मा भएको थोरै रकमले परिवारको सामान्य आवश्यकता धान्थे। उनी भाइरल भएपछि थुप्रै मिडियाहरूले उनको अन्तर्वार्ता लिए र उनले ती अन्तर्वार्ताहरुमा आफ्नो प्रतिभापनि देखाएका थिए। पछिल्ला समय उर्लाबारीको फोकस टिभीको अन्तर्वार्तामा उनले आफ्नो प्रस्तुती दिएको थियो जुन युट्युबको ट्रेन्डिङमा समेत परेको थियो।
हेर्नुस भिडियो
