शनिको स्वरको जाँदुमा जज नै लठ्ठिएपछी…
काठमाडौं : नेपालमा संचालन भइरहेका रियालिटी शो हरु लुकेर बसेका विभिन्न प्रतिभाहरुका लागि उपयुक्त मंच बनिरहेका छन् । रियालिटी शोमा सहभागी बनेर धेरैले आफुलाई चिनाउने मौका पाइरहेका छन् भने आफुलाई अझै सुधार गर्ने मौका समेत पाएका छन् । त्यति मात्र नभएर रियालिटी शोले धेरैको जीवन चर्यामै फरक पारिरहेको छ ।
त्यस्तै पछिल्लो समय संचालनमा आएको नेपालकै ठुलो पुरस्कार भएको रियालिटी शो नेपाल लोक स्टार सिजन १ ले समेत सबैको मन जितिरहेको छ । लोक स्टारको बुटवल अडिसनबाट सहभागिता जनाएका रोल्पा जंकोटका शनि बिकको प्रस्तुतिले यतिबेला निकै चर्चा बटुलेको छ ।
नेपाल लोक स्टारको पर्दामा भेटिएका शनि बिकको प्रस्तुति निकै दमदार र मोहित पार्ने खालको छ । यतिबेला चर्चाको शिखरमा रहेका शनीले जजहरुको मन मात्रै जितेनन् देश बिदेशमा रहेका धेरैको मन जितेका छन् । उनको प्रस्तुतिको चर्चा सामाजिक संजाल तथा अनलाइन मिडियामा एकाएक बढेको छ ।
नेपालको सबै भन्दा ठुलो मौलिक रियालिटी शो ‘नेपाल लोक स्टार’मा बिकले जजहरु जयनन्द लामा, बिबि अनुरागी, सुनीता दुलाल र रामजी खाँडको मन जित्दै ‘गोल्डेन स्टार’ समेत पाएका छन् । गोल्डेन स्टार पाएपछि शनि अब नेपाल लोक स्टारको सिधै टप २० भित्र परेका छन् । हरेक नेपालीको मनमा बस्न सफल गीत ‘तिरिरि मुरली बज्यो बनैमा, मनैमा लौमाया नमारे’ गित गाएका सनीले सबैको मन जितेका हुन् ।
