आज घट्यो सुन चाँदीको भाउ

काठमाडौं : यस वर्ष सर्वाधिक मूल्यमा पुगेको सुनको भाउ दिनानुदिन तलमाथि भैरहेको छ । सोमबार पनि नेपाली बजारमा सुनको भाउ तलमाथि भएको छ । आज सुनको भाउ ओरालो लागेको नेपाल सुनचाँदी व्यवसायी महासंघले जनाएको छ।

नेपाल सुनचाँदी व्यवसायी महासंघले जनाए अनुसार आज छापावाल सुन प्रतितोला ७१ हजार ४ सय तथा तेजावी सुन ७१ हजार १ सय रुपैयाँमा कारोबार भईरहेको छ । आइतबार छापावाल सुन प्रतितोला ७१ हजार ६ सय तथा तेजावी सुन ७१ हजार ३ सय रुपैयाँमा कारोबार भएको थियो ।

यस्तै, आज नेपाली बजारमा सुनको भाउसँगै चाँदीको भाउ पनि ओरालो लागेको छ । आज चाँदी प्रतितोला ८ सय ५० रुपैयाँमा कारोबार भइरहेको छ । आइतबार चाँदी ८ सय ५५ रुपैयाँमा कारोबार भएको थियो ।