मोटरसाइकलको ठक्करले साइकलचालकको मृत्यु
राजविराज । मोटरसाइकलको ठक्करले घाइते साइकल यात्री सप्तरीको शम्भुनाथ नगरपालिका ८ का ६५ वर्षीय हरिहर मण्डलको मृत्यु भएको छ ।
सिरहाको लहानस्थित सप्तऋषि अस्पतालमा उपचारको क्रममा मण्डलको मृत्यु भएको जिल्ला प्रहरी कार्यालय सप्तरीले जनाएको छ ।
सप्तरीको खडक नगरपालिका ७ स्थित पूर्व–पश्चिम राजमार्गमा भसराज मावि अगाडि पूर्वबाट पश्चिम जाँदै गरेको बा ६५ प १३१ नम्बरको मोटरसाइकलले पछाडिबाट साइकललाई सोमबार राति ठक्कर दिएको थियो ।
मोटरसाइकल र चालकलाई प्रहरीले नियन्त्रणमा लिएको जिल्ला प्रहरी कार्यालयका प्रहरी निरीक्षक गुरुप्रसाद तिमिल्सिनाले बताए ।
