अफवाह फैलाउने पक्राउ परेकैबेला भूगर्भविद्ले गरे भूकम्प आउने अनुमान- भिडियो

काठमाडौं । भूकम्प आउँछ भनेर अफवाह फैलाएको भन्दै एकजना जाेतिषी पक्राउ परेकै बेला खानी तथा भूगर्भ विभागका महानिर्देशक सोमनाथ सापकोटाले भने नेपालमा फेरी पनि ठुलो भुकम्प आउन सक्ने सम्भावना रहेको बताएका छन् । उनले एक टलिभिजनलाई अन्तरवार्ता दिने क्रममा उक्त कुराको खुलासा गरेका हुन् । उनका अनुसार भूकम्पविद्ले गरेको अध्ययनले पनि नेपाल उच्च भूकम्पीय जोखिम भएको देश हो । तिब्बतीय र भारतीय प्लेटको मिलनबिन्दु नेपाल रहेको हुनाले यो क्षेत्र भूकम्पीय दृष्टिकोणले उच्च जोखिममा रहेकाे छ ।

भुकम्प जान्छ भनेर अफवाह फैलाएको भन्दै फेस रिडर ‘जाेतिषी’ अर्जुन क्षेत्री पक्राउ परेकैबेला यस्तो खुलासा भुगर्भविद्ले नै गरेका हुन् । लामाे समय देखि शक्ति सञ्चय भएकाे हुनाले नेपालकाे पश्चिम क्षेत्रका साथै काठमाडाैं समेत भूकम्पको उच्च जाखिम रहेकाे भुगर्भविद् बताउँछन् ।

महानिर्देशक सापकोटाले अन्तरवार्तामा बाेल्दै सैयौ वर्ष देखि भूकम्प नगएर शक्ति संचय भएको हुनाले कुनै पनि समय भूकम्प जान सक्ने बताएका हुन् । उनले प्राइम टलिभिजनको फाेकस न्युजलाई अन्तरवार्ता दिने क्रममा नेपालको पश्चिम क्षेत्रमा धेरै समय भुकम्प नगएको हुनाले जतिबेला पनि जानसक्ने तथा काठमाडाैं समेत उच्च जाेखिममा रहेकाे बताएका छन् । अहिलेसम्मको वैज्ञानिक अध्ययन-अनुसन्धानले भूकम्प जाने ठ्याक्कै समय भने बताउन सकेको देखिदैन । भूकम्प कतिबेला जान्छ त्याे थाहा हुने कुरा त हाेइन तर सजग रहनु भने अवश्पय पर्दछ ।
हेर्नुस् भिडियो