कुखुरालाई दाना दिने क्रममा करेन्ट लागेर कृष्णकाे ज्यान गयाे

नुवाकाेट : नुवाकोटमा करेन्ट लागेर १ जनाको ज्यान गएकाे छ । बुधबार बिहान करेन्ट लागेर विदुर नगरपालिका–९ खिम्चेतमा १ जनाको मृत्यु भएको हो । मृत्यु हुनेमा विदुर नगरपालिका–९ खिम्चेतका ३२ वर्षीय कृष्ण भुजेल रहेका छन् ।

भुजेललाई आफ्नै कुखुरा फारममा करेन्ट लागेको बताइएको छ। कुखुरालाई दाना दिने क्रममा त्यहाँ रहेको बिजुलीको तारबाट करेन्ट लागि भुजेल गम्भीर घाइते भएका थिए ।

प्रहरी निरीक्षक विष्णुहरि फुयाँलका अनुसार गम्भीर घाइते भुजेलको उपचारका लागि जिल्ला अस्पताल त्रिशूली ल्याउँदै गर्दा बाटोमा नै ज्यान गएको हो।