प्रेम सम्बन्धको २८ दिनपछि बिहे गरेका गौतमको रहस्यमय नि धन

झापा : दुई हप्ता अगाडि एउटा यस्ताे घटना घट्याे जसकाे जसकाे रहस्य अहिलेसम्म पनि खुल्न सकेकाे छैन । प्रेम सम्बन्ध गाँसेको २८ दिनपछि एक वर्षअघि मात्र २०७५ को असारमा कल्पना थापासँग विवाहबन्धनमा बाँधिएका ३० वर्षीय डिल्ली गौतम बेपत्ता भएको ११ दिनपछि शव फेला पर्याे । झापाको कनकाई नगरपालिका -७ मा स्थायी बसोबास भएपनि सिदार्थ बैंक शाखा विर्तामोडमा कार्यरत गौतम जागिरको सिलसिलामा विर्तामोडमै कोठा लिएर बस्दै आएका थिए। असार १७ गते मङ्गलबार बिहान ८ बजे सधैँझै कार्यालय जान भनी हिँडेका गौतम अचानक बेपत्ता भएका थिए।

सोही दिनको दिउँसो करीब १ बजे विर्तामोडबाट १२ किलोमिटर पश्चिमको सुरुङ्गादेखि दुई किलोमिटर उत्तर धनुषकोटीधामबाट आफ्नो अत्यन्तै मिल्ने साथी यामबहादुर रसाइलीलाई आँप लिएर आउन फोन गरेका गौतम आफ्नो साथी धनुषकोटी पुग्नुअघि नै सम्पर्कविहीन भएका थिए। आँप लिएर धनुषकोटी पुगेका रसाइलीले साथीलाई फोन गर्दा फोन सम्पर्क हुन नसकेपछि अन्य आफन्तजनलाई खबर गरेका थिए। स्थानीयवासीसहित आफन्तजनको खोजीकार्य निरन्तररूपमा चलिरहे पनि ११ दिनपछि असार २७ गते शुक्रबारका दिन कनकाई सामुदायिक वन क्षेत्रमा मृतावस्थामा गौतमको शव फेला परेको थियाे ।

दिउँसो १ बजे घाँस काट्न आएका स्थानीयवासीले झाडीभित्र नचिनिने अवस्थामा रहेको शव देखेपछि प्रहरीलाई खबर गरेका थिए। सोही दिन घोपामा शव परीक्षण गरेर शनिबारको दिन मात्र कनकाई नदीमा गौतमको अन्त्येष्टि भएको थियाे। आर्थिक अवस्था कमजोर भएका गौतमका बाबु तुलसीप्रसाद गौतमको तीन वर्षअघि नै निधन भएको थियाे भने आमा ईश्वरा गौतम माइलो छोरा बासुदेवसँग कनकाई-७ कालीमुडास्थित आफ्नै घरमा बस्दै आएकी छिन। कान्छो भाइ युवराज वैदेशिक रोजगारीमा छन्।

अघिल्लो दिन सोमबार बेलुकातिर घर आएको थियो, के छ आमा खबर, के गर्दै हुनुहुन्छ भनेर सोध्यो, अनि केही समय गफगाफ गरेर हिँडेको छोरो, आजसम्म देख्न पाएकी छैन, हामी कसैलाई पनि केही भनेन, भाइ कान्छासँग भने फोनबाट केही कुरा भएको भन्ने सुनेकी छु , के कसो भयो, केही पनि थाहा छैन, स्व गौतमकी आमा ईश्वराले गहभरि आँशु पार्दै भनिन, ‘छोरो हराएको कुरा सुनेपछि विर्तामोडस्थित सिद्धार्थ बैंकमा गएँ, उसका साथीलाई सोधेँ, उनीहरुले चिन्ता नलिनु आमा हराएको छैन भनेर सम्झाए, अनि आउँछ होला भन्ने आशा लागेको थियो, यो के को ब ज्र पर्यो।’

विर्तामोडस्थित कोठामा बस्दै आएका गौतम अघिल्लो दिन बेलुका आफ्नी श्रीमती कल्पना शारिरीकरूपमा केही अस्वस्थ भएपछि विर्तासिटी अस्पतालमा भर्ना गरेर रातभरि अस्पताल बसेका थिए। बिहान ७ बजेतिर बिरामी श्रीमतीलाई कोठामा पुर्याएर केही समयपछि औषधि राम्ररी खाँदै गर्नु म अफिस हिँडेको भनेर ८ बजेतिर निस्केकाे श्रीमती कल्पना बताउँछिन्। बेपत्ता हुनुपर्ने कारणका बारेमा जिज्ञासा राख्दा कल्पनाले त्यस्तो नराम्रो केही नभएको तर कहिलेकाँही भने सामान्य ठाकठुक पर्ने गरेको प्रतिक्रिया दिइन । बैंकको जागिरबाट पैसा कम्ती आउने, उनी आफू पनि मुटुको बिरामी, श्रीमती र आमाको उपचारका लागि पैसा खर्च गरिरहनुपर्ने भएपछि तनावमा परेर यस्तो निर्णय गरेको हुनसक्ने आफूलाई लागेको उनले बताइन ।

मृ त्युको कारण अनुत्तरीत
घटनाको अनुसन्धान गरिरहेको इलाका प्रहरी कार्यालय, विर्तामोडले गौतमकको शव छेउ सु साइड नोट समेत भेटेको थियो। भिजेको अवस्थामा भेटिएको नोटमा परिवारसँग गुनासो पोखिएको अनुसन्धान अधिकृत बताउँछन्। झापाका प्रहरी प्रवक्ता महेन्द्रकुमार श्रेष्ठले शव छेउ सु साइड नोट भेटिए पनि के लेखिएको थियो भन्नेबारे बताशएनन् । हाल अनुसन्धानमै रहेकाले परीक्षणको रिपोर्ट आएपछि धेरै कुराको जानकारी आउनसक्ने प्रहरी प्रवक्ता श्रेष्ठले जानकारी दिए ।

गौतमको शवलाई परीक्षणका लागि धरानस्थित विपी कोइराला स्वास्थ्य विज्ञान प्रतिष्ठान लगिएको थियो तर, रिपोर्ट अझैसम्म आएको छैन। त्यहाँका चिकित्सकले शव सडेको अवस्थामा भेटिएकाले रिपोर्ट आउन ढिलो भएको बताए । सामान्यतयाः मानिसको मृ त्युको २४ घण्टापछिबाटै शव बिग्रिन थाल्छ। चिसो मौसममा लामो समयसम्म शव नबिग्रिने भए पनि गर्मीका कारण गौतमको शव पूर्णतः बिग्रिएको अवस्थामा भेटिएको थियो।

सु साइड नोटले आ त्मह त्या भएको हुनसक्ने आशङ्कालाई जोड दिए पनि घटनास्थल वरपर विष वा झुण्डिएको हुनसक्ने सबुत नभेटिनुले गौतमको मृ त्यु रहस्यमय छ। रहस्यको पर्दा चिकित्सकले परीक्षण रिपोर्ट दिएपछि मात्रै खुल्नेछ। रिपोर्टमा गौतम मृ त्युको प्रकृति र कारणबारे खुल्नेछ।