आज साेमबारदेखि नयाँ वर्ष २०७६ सुरु भएको छ । नयाँ वर्षको पहिलो दिन वैशाख १ गते आज देश विदेशमा बस्ने सम्पूर्ण नेपालीहरुले एकआपसमा शुभकामना आदानप्रदान गरिरहेका छन् । अघिल्ला वर्षकाे जस्तो सबै सँगै बसेर मिष्ठान्न भाेजन गर्दै रमाइलाे गर्ने अवस्था छैन् तर पनि फाेन, इन्टरनेटकाे प्रयाेग गरी समाजिक सञ्जालमार्फत शुभकामना बाडिरहेकाे पाइन्छ । प्रधानमन्त्रीले पनि देशबासीकाे नाममा शुभकामना सन्देश पठाइसकेका छन् ।
याे वर्षकाे सुरुवाती चुनाैतीकाे रुपमा रहेकाे छ । विश्वलाई नै त्राहीत्राही बनाइरहेकाे काेभिड-१९ काे महामारीले अधिकांश देशहरु लकडाउन गरिएका छन् । दिन प्रतिदिन काेराेना संक्रमित द्रुत गतिमा बढीरहेका छन् भने ज्यान गुमाउने संख्या पनि एक लाख नाघिसकेकाे अवस्था छ । हाम्राे देश पनि लकडाउनमा छ । आएर पनि नयाँ वर्ष, छैन् उत्साह, छैन् हर्ष । बाँच्नका लागि गर्नै पर्छ हामी सबैले संघर्ष । यतिबेला काेराना भाइरसकाे महामारीविरुद्धकाे लडाइँमा छाैं । हाम्राे रणनीति चुपचाप घरभित्रै बसेर लड्न हाे ।
त्यसकारण घरबाहिर कतै नजानुहाेस्, साथीभाइसँगकाे रमाइलाे जमघट नगरिदिनुहाेस्, आफ्नाे घरमा जे पाउँछ त्यही खानुहाेस्, आवश्यक व्यायम र याेग गर्नुहाेस्, सकारात्कम साेच राख्नुहाेस् र हरेक व्यक्तिले गत वर्ष गरेका कामको सफलता र असफलता मूल्याङ्कन गरी नयाँ योजनाको संकल्प गर्ने गर्दछन् तपाइँ पनि त्यसरी नै नयाँ याेजनाकाे संकल्प गर्नुहाेस्, काेराेना लगायत सबै खाले चुनाैतीहरुसँग लड्ने हाैसला मिलाेस् सम्पूर्ण पाठक वर्गमा नयाँ वर्ष २०७७ सालकाे शुभकामना ।
अघिल्ला वर्षहरुमा नयाँ बर्षको अवसरमा मुलुकभित्रका पर्यटकीय गन्तब्यहरुमा चहल पहल बढ्ने गर्दथ्याे तर याे पटक काेराेनाकाे कहरले त्यस्ताे केही छैन् । सहर सुनसान छ, गाउँवस्ती सुनसान छ । जता हेर्याे उतै सन्नटा छ । मीठाे मसिनाे खाने र साथीभाइ आफन्तजनसँग भेटघाट गरेर शुभकामना आदानप्रदान गर्ने अवस्था छैन् । आफ्नै घरका सदस्यहरुसँग पनि आवश्यक दूरी कायम गरी मास्क लगाएर घरभित्रै गुम्सिएर बस्नु पर्ने अवस्था सिर्जना भएकाे छ ।
धार्मिक स्थल मठमन्दिर, गुम्बा, मस्जिद र चर्च बन्द गरिएका छन् । नयाँ वर्षको दिन पशुपतिनाथ मन्दिरमा दर्शनार्थीको घुइँचो लाग्ने गर्दथ्याे । त्यस्तै बूढानीलकण्ठ, वागमती नदीको उदगमस्थल वाग्द्वार, सपनतीर्थ र कीर्तिपुरस्थित चम्पादेवीमा मेला लाग्ने गर्दथ्याे । त्यस्ता सम्पूर्ण क्रियाकलाप बन्द गरिएका छन् ।
आज सूर्य मीन राशिबाट मेष राशिमा प्रवेश गर्ने वैशाख संक्रान्तिका दिन मनाइने नयाँ वर्षमा स्नान, दान, गरेमा पाप पखालिई पूण्य कमाइने धार्मिक विश्वास छ । तर यस वर्ष नेपालीहरु घरभित्रैबाट, आ-आफ्ना काेठा, क्वारेन्टीन र आइसाेलेसनबाट नयाँ वर्षलाई स्वागत गरिरहेका छाैं । हर्ष उल्लास विनाकाे नयाँ वर्षकाे पहिलाे उषाकिरण चिह्याइरहे छाैं घरबाहिर ननिस्केरै । यही नै मानव जातिकाे विजयकाे सुरुवात हाे । बाँचेपछि थपिने छ हर्ष, प्रगति हुनेछ अर्काे वर्ष ।
