गजल 

आउँदै जाँदै गर्छ झल्को फगत आँखाभरि

फूलपातीमा छैनन् इश्वर नगद आँखाभरि ।

सोचे, सम्झे कल्पे जस्तो कहाँ चल्छ जीवन ?

मुस्कानको तीरले ढाल्ने जगत आँखाभरि ।

आफैँलाई कयौँबाजी नापतौल गरी हेरेँ

कोर्दै च्यात्दै जिन्दगीको लगत आँखाभरि ।

खण्डखण्ड होइन सिङ्गो राज्य रच्छु भन्ने

छल्किँदै छ कौटिल्यको मगध आँखाभरि ।

सिङ्गो युग काँधमाथि बोक्छु भन्थ्यो साथी

आँसु हो कि पराजित रगत आँखाभरि ।