गजल
-गोविन्द मल्ल ‘सुदिन‘
बर्षौ देखि माग्न बसेकै छु वर मन्दिरमा ।
जागेर आशा, विश्वास अनि भर मन्दिरमा ।
निशा नखुल्दै रस्मि नपुग्दै आँगनमा,
आज पनि उस्तै छ लस्कर मन्दिरमा ।
खै के पाउलान् र के देला भगवानले,
भिक्षा थाप्न पस्केकै छ पसर मन्दिरमा ।
प्रशन्न हुन् देवी पुरा होस् मनोरथ उस्को भनी,
भगवान ढोगें, चढाए भेटी, हर मन्दिरमा ।
इच्छाहरु त्याग्न सक्छ ‘सुदिन‘ भाग्य माग्न उस्को,
आफैंलाई बलि चढाउने छ रहर मन्दिरमा ।
