काठमाडाैं : विशेषगरी शान्त चाैधरीलाई लक्षित गरि लेखिएका माथि हेडलाइन जस्तै स्ट्याटेसले पुरै सामाजिक सञ्जाल तातेकाे छ । यसले शान्ता चाैधरीलाई मात्रै लक्षित गरेन सम्माननीय प्रधानमन्त्री केपी शर्मा वलीलाई समेत गतिलाे मुक्का दियाे । उनीहरू बाहेक नायिका करिश्मा मानन्धरलाई समेत व्यङ्ग्य गरेकाे छन् । एसईई र इपिएसकाे नतिजा सार्वजनिक भएसँग फेरि पनि सामाजिक सञ्जालमा भर्खर एसईई पास गरेकी नायिका करिश्मा मानन्धर र नेकपाकी सांसद शान्ता चाैधरीकाे फाेटाेसँग काेरियन भाषा परिक्षाका लागि आवेदन भर्न लाइनमा बसेका युवाहरूकाे तस्बीर जाेडेर भाइरल बनाइएकाे छ ।
उच्चशिक्षा हासिल गरेर विदेशिनुकाे पीडा सामाजिक सञ्जालमा पाेखिरहेका छन् युवा वर्ग । बेराेजगार हुनुकाे छटपटी पनि हाे याे । साहु ऋण गरेर मास्टर डिग्री गरेपनि आफ्नै देशमा ढुक्कसँग काम गरेर जिविकाेपार्जन गर्न सक्ने अवस्था नभएपछि १० कक्षा मात्रै पढेर प्रधानमन्त्री र मन्त्री भएका जनप्रतिनिधिप्रति आक्राेस पाेखिरहेकाे छन् उनीहरू ।
मास्टर डिग्री गरेका कयाैं युवाहरूले काेरियन भाषा परिक्षका लागि आवेदन भरेका थिए । त्यतिबेला नै १० कक्षा फेलहरू देश चलाउने र डिग्री पास गरेका युवाहरू विदेशमा काम खाेज्दै भनेर निकै ढाेल पिटिएकाे थियाे । तर यसमा खासै नकरात्मक साेच्नुपर्ने कुनै कुरा थिएन । एउटा महिला जसले १० कक्षा पास नगरेरै नेकपाकाे नेतृ बनिन भने करिश्मा मानन्धर पनि चर्चित सदावहार नायिका बनिन् । अझ केपी शर्मा ओली देशकै प्रधानमन्त्री दुईदुई पटक बने । याे बुझिएन कि बढ्ने वातावरण नभएरै उनीहरूले धेरै संघर्ष गरेर राजनीति र कलाकारितामा आफ्नाे वर्चस्व कायम गरे ।
कुरा रह्याे डिग्री पास गरेका युवाहरूकाे- एउटा कुरा त राज्यकाे नीति नै युवाहरूलाई परिचालन गरी देशका लागि बढीभन्दा बढी फाइदा उठाउने भएन । यसाे भएकाे भए सबै शिक्षित यसवाहरूलाई देशमै व्यवस्थापन गर्न सकिने अवस्था आउने थियाे । कसैले पनि यस्ता वित्थाका कमेन्ट गरेर समय खेर फाल्ने अवस्था आउने थिएन । तर त्यसाे भएन लाेकसेवा आयाेग बाहेक सबै निकायमा विश्वसनीयता रहेन । निजी संघ संस्थामा उचित पारिश्रमिककाे व्यवस्था भएन । सबै क्षेत्रका मजदुरलाई समान हैसियत र सम्मान नदिनु पनि अर्काे बिडम्बना बन्याे । यसकारण युवाहरूकाे सरकारप्रति नकरात्मक भावना पलायाे । यस्तै स-साना कुरामा कमेन्ट गरेर बस्ने अवस्था आम युवाहरूमा कुलतकै रूपमा रह्याे ।
