महराको गल्तीमा म किन सती जाने ? : उपसभामुख तुम्बाहाङ्फे

सत्तापक्षले सभामुख पद लियो भने उपसभामुख पद सत्तापक्षको तर्फबाट मैले छोड्नुपर्छ। मैले यसो भनिरहँदा लाग्न सक्छ कि यो पार्टी बिनाको मान्छेले कसरी सत्तापक्षको दलको कुरा गरिरहेको छ? यो कुरालाई हामीले कसरी बुझ्नुपर्छ भने जतिबेला म माननीय (उपसभामुख) बनेर यहाँ आएँ र प्रतिनिधिसभाका सबै माननीय सदस्यहरू कुनै न कुनै दलबाट आउनुभएको छ। दलले उम्मेदवार बनाएर नै निर्वाचित भएको अवस्था हो। त्यतिबेला सभामुख र उपसभामुख फरक–फरक दलको भएको अवस्था थियो। अहिले दुवै पार्टी मर्ज (एकता) भएको अवस्था छ। अहिले सभामुख पदको निर्वाचन गर्दाखेरि संविधानको त्यो व्यवस्था (सभामुख र उपसभामुख फरक फरक दलको हुनुपर्ने) कार्यान्वयन गर्नुपर्छ।