कवि, सञ्चारकर्मी तथा गजलकार लक्ष्मण वि.सी. ‘प्रभात’काे दु:खद नि’धन
काठमाडाैं, ४ जेठ : कवि, सञ्चारकर्मी तथा गजलकार लक्ष्मण वि.सी. ‘प्रभात’काे दु:खद नि’धनकाे भएकाे छ । दैलेखकाे जाेरेबांझका कवि, सञ्चारकर्मी तथा गजलकार प्रभातकाे शनिबार दु:खद नि’धन भएकाे हाे ।
केही वर्ष पहिले प्यारालाइसिसबाट पीडित प्रभातकाे सुर्खेत आफ्नै निवासमा निधन भएकाे परिवारले जनाएका छन् ।
गजलकार प्रभातकाे ‘हजारी थुंगा’ नामक गजल संग्रह प्रकाशित छ । तत्कालीन मध्यपश्चिमाञ्चल गजल प्रतिष्ठान शाखा सुर्खेतको सचिव, दैलेख सुर्खेत सम्पर्क शाखाकाे संयोजक भएर काम गरेका थिए ।
उनले सम्पर्क मञ्चबाट प्रकाशितहुने गजल प्रधान पत्रिका ‘जुनेली’ र मध्यपश्चिमाञ्चल गजल प्रतिष्ठान शाखा सुर्खेतबाट प्रकाशित हुने गजलप्रधान पत्रिका ‘गजलवाटिका’ सम्पादन गरेका छन् ।
उनकाे दु:खद खबर सुनेपछि शुभचिन्तक तथा आफन्तजनले दु:ख व्यक्त गरेका छन् ।
उनका सहपाठी गजलकार कपिल अञ्जान लेख्छन्, “प्रिय मित्र, कवि, गजलकार, संचारकर्मी लक्ष्मण बि सी ‘प्रभात’ तिमी अब छैनौं भन्ने
कस्तो अपत्यारिलो खबर कानमा पर्यो । सुन्दा पनि कान शुन्य भएको छ । तिमी र म धेरै साहित्यिक कार्यक्रमहरुमा सँगै गएका थियौं । अब केबल ती सम्झनाहरु मात्रै हुनेछन् । हिजोसम्म मात्रै तिम्रो यो संसारमा अन्तिम सास रह्यो भन्ने सुन्दा एकदमै नमज्जा लाग्यो ।
तिमीले केही बर्ष प्यारालाइसेसलाई जिते पनि अन्त्यमा तिमीले हार्यौ । अलबिदा प्रिय मित्र । तिमीलाई म कदापि बिर्सने छैन ।
तिम्रो उपचारका लागि उठाएको केहि हजार रकम खगेन्द्र अधिकारी अमृत सरकै खातामा रहेको र अब त्यो रकम उनको परिवारलाई हस्तान्तरण गरिदिनु हुन अनुरोध पनि गर्दछु ।”
कवि, सञ्चारकर्मी तथा गजलकार लक्ष्मण वि.सी. ‘प्रभात’काे मृत आत्माकाे चीरशान्तिकाे कामना गर्दै भावपूर्ण श्रद्धाञ्जली ।।
